「入行後日日新鮮日日甘」
由細到大.識我既朋友都知
我係Cinderella 以前出街唔可以夜
（依家已經冇呢條規例😂）
而且屋企好多野都唔洗我做唔洗我處理
所以我其實有好多野都唔識.成個公主咁
但入左行⋯我真係識做左好多野。
幼稚園老師要做既野真係估你唔到。
我都冇唸過我要做/要學做咁多野
入行前請先唸清楚。
唔好成日以為呢行放好多假😂
1）幼稚園用拆紙巾筒既卷裝紙巾
唔係講笑。我入行前真係唔識拆
（我屋企用抽出黎果d紙巾😂）
依家我學識左✌🏻️
2）我由細到大唔洗拖地掃地
我真係唔識。岩岩入行。
姐姐見到我拎住枝野個樣就知我未做過
但呢樣真係唔可以唔識
依家老師係要做埋姐姐果份
出糧又唔見出埋姐姐果份喎😤
依家我算叫學識左拖地掃地✌🏻️
3）幼稚園老師係要爬梯
行內俗稱：上吊
即係爬上梯吊下小朋友作品呀。
新年聖誕又吊下果d一條條既野呀
我冇畏高，由細到大有咩幾可會爬梯
第一次咁踏上去真係好得人驚
真係差錯腳就工傷！
依家我識爬梯。唔驚✌🏻️
4）抹屎
我重申😂幼稚園老師係要抹屎既
其實以前細個都有幫我細佬抹過屎
但我真係冇唸到出黎做野要幫人抹😂
依家我真係慣左✌🏻️
5）著尿片
估唔到未做人呀媽已經學識換片
真係做一年2歲班。真係「呀媽速成班」
公主既我。點會無端端要幫人換片
做班主任係要換尿片架。
（屎片我係會忍唔住叫姐姐既。尿片仲接受到
其實我仲學多左樣野。
依家既尿片原來好先進
摸一摸就知bb有冇尿尿。
摸到有種jelly 既質地。就知要換
行內俗稱：「漲片」。
勁！我又識左✌🏻️
6）煮野食
入行前我係地獄美女廚神
入行後都係😅
但至少我學識/試整左好多野！
全日制學校係會有「小食嘗試」呢樣野
做左咁耐我真係整過好多野。
但其實10次有9次都有姐姐或助教「目及」實我，
因為佢地未見過地獄美女廚神！
（其實只係佢地想教我者☺️）
芒果糯米飯。蘿蔔糕。薑汁撞奶。曲奇餅。
好多好多。
但我盡量會唸一d唔洗點技巧既食物
但有d野係避免唔到。佢叫「月餅」
7）做領隊導遊
入行前邊洗搭住車要介紹地方
邊洗一路參觀一路講野同影相丫
入行後。成日都要咁對住空氣講野😂
仲有好多好多既工作範圍
幼稚園老師都要兼顧。
唔好再覺得我地返工係玩bb&教abc
不過呢份工真係令我獲益良多
同事都笑我係「落難既公主」😩
但值得既我享受既
Search